Hryggurinn er soðinn í litlu vatni í 7 L. pottinum.

Athugið að biðja um að skera hrygginn í tvennt í búðinni ef hryggurinn er lengri en 28cm.

(potturinn er 28cm breiður).

Hrygginn má svo setja upp á rönd í pottinum ef um tvo hluta er að ræða.

Ef hryggurinn sleppur beint ofaní þarf hann ekki að vera upp á rönd. Sumum finnst gott að setja malt

og tómatpúrre eða rauðvín út í. Látið suðuna koma upp og lækkið síðan á lægsta hita og hafið í 90 mín

í heildina. Jafnvel má slökkva undir pottinum eftir 60 mín.

Alveg í restina er púðursykurblöndu smurt á hrygginn og ananassneiðum raðað yfir hann og hryggurinn settur inn í ofn. Látið vera í ofninum í 20 min á 180 gr. eða þar til ykkur finnst hryggurinn orðin brúnaður. Einnig má stilla á grill og hafa hann í 5-10 mín en fylgjast þá vel með honum

• Púðursykursblanda.
• 2 msk. Púðursykur
• sætt sinnep eftir smekk. (mæli með rúmlega matsk.)
• ananassafi, smá sletta
• Dion sinnep, grófkorna 1 tsk.

Hrært saman og látið standa í 10 min. fyrir notkun.

Eftirfarandi á við allt betra kjöt af dýrinu sbr.file og lærvöðva.

Best er að nota Saladmaster rafmagnspönnuna og ef vöðvinn er stór er gott að verða sér úti um hátt lok á pönnuna. (H.Jacobsen) Áður fyrr notaði ég grillið til að elda svona kjöt en eftir að ég eignaðist Saladmaster finnst mér það vera miklu síðra að grilla vegna vökvataps á kjötinu við grillun.

Það er venja mín að leggja hreindýra- og nautakjöt í marineringu fyrir steikingu en það þarf alls ekki ef þú vilt það ekki en ég læt hana fylgja með.

Athugið að allt kjöt þarf að ná stofuhita fyrir steikingu við 230° til þess að það verði meyrt annars getur vöðvinn orðið seigur.

Marinering ( á við hvort sem er naut eða hreindýr)

• 1.dl olivuolia (ekki extra Virgin)
• 1.dl hlynsýróp (Maple)
• 1tsk. sítrónupipar
• 1tsk. blandaður gróf malaður pipar
• 1 tsk Maldon salt

Hellið yfir kjötið og snúið kjötinu á 30 mín.fresti í ca 4 tíma fyrir steikingu, látið kjötið standa á eldhúsborðinu.

Steiking

Hitið rafmagnspönnuna með lokið á (svo það hitni líka) Setjið vöðvann á þurra pönnuna  og hann festist við.  Þegar þið finnið að kjötið losnar frá snúið vöðvanum á alla kanta og brúnið (hafið rifu á lokinu).

Setjið lokið á og bakið kjötið munið að lækka þegar ventillinn tikkar. Mjög gott er að nota kjöthitamæli til að mæla hitastig í vöðvanum. Það er ómögulegt að segja hvenær kjötið er tilbúið nema vita fyrir fram hve vöðvinn er stór en gegnum steikt file sem er ca 1200 gr er ca 15 mínútur að gegnum bakast eftir steikingu en þetta fer líka eftir hvort þú ert að steikja file eða lærvöðva, en file er frekar þunn steik..

Sósa

Það kemur ekki mikill kjötsafi frá vöðva sem er ekki á beini en ef þið fáið bein með kjötinu er einfallt að gera soð úr þeim á sama hátt og soðið í rjúpu sósuna, beinin steikt og soðin í 3 tíma ásamt tilheyrandi.

En það kemur alltaf smá soð í pönnuna og má nota það til að bragðbæta eftirfarandi sósu.

• ½ liter Matreiðslurjómi
• 2 st Piparostur rifinn í kvörninni
• Soð úr pönnu eða # einn súputeningur

Látið malla þar til osturinn er vel bráðin saman við rjómann og borið fram.

Innihald

Plómusósan:

• 1/2 bolli niðursoðnar plómur
• 1/2 teskeið niðurrifinn appelsínubörkur (keila nr. 2)
• 1 kramið rif hvítlaukur
• 2 matskeiðar sojasósa
• 2 matskeiðar appelsínusafi
• 1 teskeið kartöflumjöl eða maizena mjöl

Kjúklingurinn:

• 3 matskeiðar sojasósa, skipt niður til notkunar
• 4 matskeiðar kartöflumjöl eða maizena mjöl, skipt niður til notkunar
• 2 úrbeinaðar kjúklingabringur, skornar í teninga
• 1/4 bolli vatn
• Matarolíu sprey úr brúsa
• 1 matskeið sesam olía
• 1/2 bolli gulrætur skornar í teninga (keila nr. 2)
• 1/2 bolli sellerý, skorið í teninga (keila nr. 2)
• 1/2 bolli laukur, skorinn smátt (keila nr. 2)
• 1 matskeið niðurrifin engiferrót (keila nr. 1)
• 8 stór fersk salatblöð (iceberg eða annað sambærilegt)

Leiðbeiningar:

1. Blandið saman öllu hráefninu fyrir plómusósuna í lítinn pott. Látið suðuna koma upp á miðhita (tikk), lækkið hitann og leyfið að krauma í 1 mínútu, en hrærið í allan tímann. Kælið.
2. Í meðalstóra skál, blandið saman 1 matskeið sojasósu og 1 matskeið kartöflu/maizena mjöl, blandið kjúklingnum saman við þangað til að hann er vel þakinn. Leyfið að standa í 10 mínútur.
3. Blandið saman afganginum af sojasósunni, mjölinu og vatninu og geymið til hliðar.
4. Í 10 tommu Gourmet pönnunni, snöggsteikið kjúklinginn í matarolíu spreyinu, á miðhita í hærri kantinum í 2-3 mínútur eða þangað til að hann er ekki lengur bleikur í miðjunni. Takið af pönnunni og geymið til hliðar.
5. Hitið olíu á sömu pönnu. Setjið gulræturnar á pönnuna og snöggsteikið í eina mínútu. Bætið þá við selleríinu, lauknum og engiferrótinni. Snöggsteikið í 2 mínútur, blandið þá kjúklingnum saman við og sojasósu mixtúruna. Eldið áfram en hrærið í á meðan sósan nær suðu og þykknar. Kælið síðan.
6. Til að bera fram, setjið u.þ.b. 1/4 bolla af mixtúrunni á salatblað. Setjið eina teskeið af plómusósunni ofan á og vefjið salatinu utan um fyllinguna til að loka.

Innihald

• 1 kg nautahakk
• 1 dós salsasósa
• 1 dós sýrður rjómi 10%
• 1 dós ostasósa
• 1 dós Guacamolesósa
• 1 poki tortilla kökur
• 1 poki rifinn ostur
• 2 msk fajitas krydd
• 2 msk taco krydd

Nautahakkið sett í sigtipottinn, vatn í neðri pottinn og eldað. (Blóðvökvi og fita rennur í neðri pottinn). Sé hakkið frosið þá tekur það ca 10-15 mín. Nautahakkið síðan brúnað á þurri pönnu og kryddað.

Hakk sett neðst í rafmagnspönnuna svo tortillakökur með ostasósu, sýrðum rjóma og salsasósu og guacamole og hakk o.s.frv. Það er endað á hakki og rifinn ostur þar ofan á.

Pannan sett á 175°C og beðið eftir tikkinu og lækkað á lægsta hita. Tilbúið á ca 30 mín. eftir að búið er að lækka. Gott að hafa sósurnar með til hliðar og tortillas snakk.

Ég nota alltaf fitulausu aðferðina og langar mig að benda þeim sem gera asískan mat í Saladmaster á það sama. Einnig langar mig að benda ykkur á að fara í asíska verslun og kaupa fiskisósu þar og heitir hún “Nam Pla” einnig karrý mauk í karrý sósuna “Me Ploy” þar fáið þið einnig “Piri piri” chili sem er thailenskur chili pipar og er bestur í thai matinn (líka sterkastur) jafnframt ferskt sítrónugras. Sykurinn er ómissandi í uppskriftirnar en við notum bara lítið, það er ekki vani að krydda mikið með kryddum heldur notast við ferskar kryddjurtir eins og koriander og ýmsar sósur. Við notum smá salt ef vill en aldrei MSG eins og asískir matreiðslumenn gera gjarnan.

Það sem þarf í réttinn

• 1 stk kjúklingur skorin í bita og skinnhreinsaður
• 1 dós kókosmjólk (létt)
• 1 msk karrymauk “Me Ploy” (ef önnur sort k.meira)
• 1 msk fiskisósa
• 1 st chili “piri piri” (annars heill stór án kjarna)
• 4 greinar af kóríander smátt hakkað. ferskt
• 1 tsk strásykur
• 1 stk rauð paprika skorin í þunna strimla

Aðferð: kókosmjólk og karrýmaukið sett í pott á miðhita og restinni einfaldlega bætt út í og er kjúklingabitunum bætt í að síðustu og látið malla (eftir tikkið) í 30 mín á minnsta hita.

Borið fram með hrísgrjónum og thailensku salati.

Lambafile ókryddað (best auðvitað ef það hefur aldrei frosið- fæst oft á góðu verði í Krónunni)

Krydda með best á lambið eða góðu lambakryddi frá pottagöldrum (skiptir ekki mál). En ég krydda ekki mjög mikið. Læt kryddið liggja á kjötinu í ca eina klst., fyrir steikingu

Hita 9 eða 11 tommu pönnu þar til hún er vel heit (prufa með því að skvetta smá vatni og ef það frussar af pönnunni er hún tilbúin). Snöggsteiki kjötið á öllum hliðum (þar til það losnar frá pönnunni) engin fita notuð

Lækka á pönnunni og helli hálfu rauðvínsglasi yfir kjötið og set lokið á  (ef ekki er notað vín þá er mjög gott að nota annað hvort krækiberjasaft eða bláberjasaft, ég hef prufað það líka)

Nota svo kjöthitamæli til þess að sjá hvenær kjötið er tilbúið.  Einnig er hægt að taka stærsta bitann af pönnunni og skera hann í sundur eftir svona 10 mín steikingartíma og þá sérðu hvort þú vilt hafa kjötið aðeins lengur eða ekki.

Með þessu hef ég kartöflugratínið eða bara kartöflur nýteknar úr garðinum og bara soðnar.

Ferskt lambhagasalat  (nota ekki hníf á það – ríf það niður í skál) og set smá ólífuolíu

og tómata ef vill það kemur smá soð af kjötinu og ég hef hellt því í 1líter pottinn og sett pinku matreiðslurjóma út í og smá vatn og hitað þetta augnablik og það er komin sósa – það má líka nota sýrða rjómann 10% einnig nota ég oft sýrðan rjóma 10% með og set þá eitthvað skemmtilegt út í hann, t.d. skorna gúrku eða ríf niður eina gula papriku eða eitthvað slíkt.

Innihald

• 3 kjúklingabringur
• tacosnakk eða nachos
• 1 dós rjómaostur
• 2 dósir salsasósa
• ostur

Skerið kjúklingabringurnar í bita og steikið á 11” pönnunni. Bræðið saman rjómaostinn og salsasósuna í 2 lítra potti/8,6” pönnu. Setjið snakk í botninn á kalda rafmagnspönnuna, steiktar bringur yfir og sósuna yfir allt saman. Rífið niður ost og setjið yfir. Stillið pönnuna á 160°. Þegar tikkar lækkið þá í ca 80-90°og látið malla í um 15 mínútur. Fljótlegur og góður réttur.

Fyrir 4
Tími.ca 30 mín. Má frysta.

• 4 kjúklingabringur ca 125 gr.stk
• 2 hvítlauksgeirar, rífið fínt
• 2 msk skorin mynta (fersk)
• 1 sítróna, safinn kreistur og
• börkurinn rifinn fínt
• ½ tsk kanel
• 1 tsk sykur
• 1 tsk olivuolía
• 3 1/2 dl. CousCous
• 3 1/2 dl grænmetiskraftur (sjóðandi)
• 100 gr. fínt skornar þurrkaðar aprikósur
• 2 msk. fínt skorin steinselja
• 150 gr kúrbítur (rifin m.hníf 2)
• salt og pipar að smekk.

1. Skerið í bringurnar rauf að ofan ekki skera í gegnum vöðvann.  Blandið hvítlauk, myntunni, sítrónuberkinum, sítrónusafa, kanel, sykur og olíu saman og setjið vel yfir bringurnar og marinerið í 30 mín í ísskápnum.
2. Setjið couscous í skál og hellið grænmetiskraftinum yfir og blandið saman.  Er tilbúið eftir ca.15-20 mín.
3. Forhitið pönnu. Steikið bringurnar á báðum hliðum lokið á. Tikk TIKK lækka og bakið í ca 10-15 mín.
4. Setjið couscous á diskinn og bringuna ofan á.  Borðist með fersku salati.

Innihald

• 400 gr. kjúklingakjöt (ca 3 bringur í litla bita)
• 1 msk smjör
• 1 stk laukur
• 6 stk plómutómatar skornir smátt
• 100 g blaðlaukur smátt saxaður
• 1 rauð paprika smátt söxuð
• 1 stk grænt chili fínt saxað
• 2 tsk paprikuduft
• 3 msk tómatpúrra (ein lítil dós)
• 1,5 l kjúklingasoð (vatn+teningur)
• 2 dl salsasósa
• 100 g rjómaostur

meðlæti í súpuna

sýrður rjómi, guacamole, rifinn ostur og nachos-flögur

Aðferð:

Steikið kjúklinginn á forhitaðri pönnu. Setjið smjör í kaldan 5 l eða 7 l pott og steikið laukinn, blaðlaukinn, paprikuna, chili og tómatana upp úr því. Bætið steikta kjúklinginn saman við. Bætið í paprikudufti og tómatpúrru, blandið vel saman. Hellið saman við kjúklingasoðið og látið sjóða í 15-20 mínútur við vægan hita. Bætið salsasósu í súpuna ásamt klípum af rjómaostinum.

Látið sjóða í 3-4 mín. við vægan hita. Berið súpuna fram með sýrðum rjóma, guacamole, rifnum osti og flögum.

·        2-3 kjúklingabringur, skinnlausar

·        2 msk. hunang

·        ½ bolli jómfrúarolía (1 dl)

·        2 msk. dijon sinnep

·        ½ bolli söxuð steinselja

·        1 tsk. salt

·        pipar eftir smekk

·        3 msk. sesamfræ

·        1 bolli furuhnetur

·        Sett á salatbeð t.d klettasalat, spínat eða veislusalat ásamt smá rauðlauk, konfekttómatum og agúrku. 

Steikið kjúklingabringur á þurri forhitaðri pönnu. Blandið saman hunangi, ólífuolíu, sinnepi, steinselju, pipar og salti og smakkið (mjög mikilvægt). Ristið sesamfræ og furuhnetur á pönnu.  Skerið kjúklinginn í litla bita og blandið saman við sósuna.  Látið standa í a.m.k. 45 mín.

Setjið kjúklinginn og sósuna á salatið og blandið vel, stráið ristuðum hnetum og sesamfræjum yfir. Berið fram með snittubrauði og góðu víni ef maður vill t.d. þurru hvítvíni.