170 gr. smjör

190 gr. súkkulaði, helst dökkt

3 egg

2 eggjarauður

2 tsk. vanillu extrakt eða vanillusykur

150 gr. púðursykur

1/2 tsk. lyftiduft

salt á hnífsoddi

2 msk. hveiti

1 msk. kakó

180 gr. Oreo kexkökur

3 msk graskersfræ

3 msk furuhnetur

3 msk valhnetur

Forhitið pottinn með 1/3 hita á eldavélinni.

Bræðið súkkulaði í minnsta pottinum og smjör saman við vægan hita, hrærið vel í blöndunni á meðan. Þegar súkkulaðið er bráðnað takið þið pottinn af hellunni og kælið blönduna.

Þeytið egg og eggjarauður saman þar til blandan verður létt og ljós.

Bætið púðursykrinum saman við í tveimur skömmtum, gætið þess að setja sykurinn saman við á hliðunum svo loftið fari ekki úr blöndunni. Hrærið mjög vel á milli.

Blandið súkkulaðiblöndunni út í og hrærið vel í.

Brjótið Oreo kökur gróflega niður (sleppa sirka 6 kexkökum) og blandið saman við deigið. Setjið einnig kakó, hveiti, lyftiduft og vanillu saman við. Blandið öllu mjög vel saman.

Útbúið fræblöndu, úr graskersfræjum, furuhnetum og valhnetum.

Setjið smjörpappír í forhitaða pottinn og hellið deiginu því næst í pottinn og raðið oreo kexkökum ofan á og ýtið svo þær fari vel ofan í deigið. Dreifið fræblöndunni yfir.

Bakið í pottinum þar til kantarnir á kökunni fara frá hliðunum. Munið að þurrka reglulega, sirka 3-4 sinnum yfir bökunartímann, úr lokinu.

Kælið kökuna mjög vel áður en þið takið hana úr pottinum. Auðvelt að toga í smörpappírinn þá losnar hún öll upp í einu.

Berið kökuna fram með þeyttum rjóma og berjum eða hverju sem ykkur langar í.

© Copyright - Saladmaster - H. Jacobsen ehf | Reykjavíkurvegi 66 2. hæð | 220 Hafnarfirði | Sími 555 0350 | Fax 555 0340 | Tölvupóstur eldamennska@eldamennska.is